Агартуу министрлиги учурда мектеп окуучулары үчүн бардык окуу китептери электрондук форматта жеткиликтүү экендигин кабарлады.

Маалыматка ылайык, бардык окуу китептери http://kitep.edu.kg/ порталында электрондук түрдө жеткиликтүү болуп, “Санарип Кампа” платформасына интеграцияланган.

Ошондой эле быйыл окуу китептерин басып чыгарууга мамлекет тарабынан 744 млн сом бөлүнгөн. Бул каражаттарга 3 – 9-класстар үчүн англис тили боюнча окуу китептери басылып чыгып, мектептерге жеткирилген. Ал эми учурда 1 – 2 жана 5 – 7-класстар үчүн математика жана табигый илимдер боюнча окуу китептери басылып чыга баштады.