31-май күнү Новосибирск-Бишкек багытындагы чартердик каттам менен 177 кыргызстандык мекенине кайтып келди. Бул тууралуу Тышкы иштер министрлигинин басма сөз кызматы билдирет.

Андагы билдирүүдө айтылгандай, учуп келгендердин басымдуу бөлүгү кош бойлуу, балалуу келиндер, улгайган жана оорукчан адамдар болгон.

Алардын баары тийиштүү текшерүүлөрдөн өтүү үчүн обсервацияга алынган.

31-майга карата Кыргызстанда СOVID-19га чалдыккандар 1748 адамга жетти. Алардын ичинен 1170 адам айыкты. 16 адам илдеттен улам каза болду.