28-ноябрга караган түнү саат 01:58де Кытайдын аймагында очогунда күчү 5,5 баллга жеткен жер титирөө катталды. Бул тууралуу Өзгөчө кырдаалдар министрлигинен билдиришти.

Жер титирөө Ош облусунун Алай районунун Эркечтам, Нура айылдарында 4,5 балл, Терек, Кан-Коргон айылдарында 4 балл, Көлдүк айылында 3 баллга чейин сезилген. Жер титирөөдөн жабыркагандар жана кыйроолор катталган жок.

Ошондой эле, 28-ноябрга караган түнү саат 02:34тө Казакстандын аймагында очогунда күчү 4 баллга жеткен жер титирөө болгон.

Жер титирөө Талас облусунун Кара-Буура районунун Кайнар, Көк-Сай айылдарында 3,5 баллга чейин сезилген. Жер титирөөдөн жабыркагандар жана кыйроолор катталган жок.

Телеграм каналыбызга каттала кетиңиз