Ош облусунун Ноокат районунда уй этин 600 сом, кой этин 650 сомдон сатышат. Араван районунда болсо уй эти 670 сом, кой эти 680 сомдон ашпай сатылууда. Бул тууралуу Айыл чарба министрлиги кабарлады.

Белгиленгендей, райондук агрардык башкармалык жана тиешелүү мамлекеттик органдар бааны тынымсыз көзөмөлдөп турушат.

Бул чара 11-августтан тарта өлкөдө эттин баасын негизсиз кымбаттатпоо жана калк үчүн жеткиликтүүлүгүн камсыз кылуу максатында киргизилген.

“Министр Бакыт Төрөбаев эттин чекене баасын көзөмөлдөөнү Монополияга каршы кызматына тапшырган, баа 700 сомдон төмөн болушу керек”,-деп айтылат маалыматта.