Ош шаарынын кире беришиндеги “Кыргыз көчү” дарбазасы эми түнкү убакта да өзгөчө кооздугу менен айырмаланып турат. Бул тууралуу Ош шаардык мэриясынан билдиришти.

Шаар башчысы Жеңишбек Токторбаевдин тапшырмасына ылайык, дарбаза жана анын тегереги заманбап түстүү чырактар жана лазердик жарыктандыруу системалары менен жабдылды. Бул жаңылануу шаардын көркүн арттырып, түнкү жарыктандырууну жакшыртууга багытталган.

Көрктөндүрүү иш-чарасынын алкагында келген коноктор үчүн маданий иш-чара уюштурулуп, шаар тургундарына майрамдык маанай тартууланды.