Маратбек Акимбек уулу «Ош ТВ» муниципалдык мекемесинин директору кызмат ордунан бошотулду. Мэриянын маалыматында, ал бул кызматтан өз арызы менен кетти.

Анын ордуна «Ош ТВнын» директору болуп Акылбек Орозматов дайындалды.

Тиешелүү буйруктарга мэр Жанарбек Акаев кол койду.

Ачык булактардагы маалыматтарга ылайык, Акылбек Орозматов 38 жашта. Ал буга чейин Билим берүү жана илим министрлигинин (азыркы Агартуу министрлиги) басма сөз катчысы болуп иштеген. Ошондой эле “Жебе Медиа” маалыматтык порталын жетектеген.