Ош шаарында унаасы менен суу каналына түшүп кеткен айдоочу куткарылды. Бул тууралуу Өзгөчө кырдаалдар министрлигинен билдиришти.
Маалыматка караганда, 18-октябрь болжол менен түнкү саат 03:30да ӨКМге, Кулматов көчөсүндө айдоочу рулга ээ боло албай Lexus S933 унаасы менен «Увам» каналына түшүп кеткендиги тууралуу маалымат түшкөн.
«Куткаруучулар жерине барган учурда, унаанын ичинде айдоочу бар экендиги аныкталган. Ош шаардык куткаруу кызматынан 4 куткаруучу тартылып, 25 жаштагы Ж.А. аттуу айдоочусун каналдан чыгарышкан. Учурда абалы жакшы», — деп айтылат маалыматта.
Биздин Телеграм каналга катталыңыз
