30-апрелде Ош облусундагы “Достук” чек ара өткөрмө бекетинде өзбекстандык жаран 197 баш тирүү деңиз таш бакасы менен кармалды. Бул тууралуу Экология министрлиги билдирди.
Маалыматка ылайык, аталган жаран таш бакаларды Кыргызстандан Өзбекстанга мыйзамсыз алып өтүүгө аракет кылган.
Бул факты боюнча “Укук бузулар жөнүндө” кодексинин 262-беренесинин 1-бөлүгүнө ылайык 20 миң сом өлчөмүндө айып пул салынган.
Ал эми алынган таш бакалар Ош шаарынын “Наваи” атындагы эс алуу багындагы жеке менчик зоопаркка убактылуу кармоо үчүн өткөрүлүп берилген.
