26-апрелде Ош облусунун Алай районуна караштуу Гүлчө айылындагы тоолуу аймакта 2008-жылы туулган Сарыев Байхан кулап түшүп, жаракат алды. Бул тууралуу ӨКМден билдиришти.

Маалыматка караганда, окуянын кесепетинен жабырлануучунун буту сынган жана башынан жаракат алган.

Кырсык тууралуу маалымат түшкөндөн кийин Алай райондук №68 өзгөчө кырдаалдар бөлүмүнөн 3 куткаруучу тартылып, жабырлануучу жеринде алгачкы медициналык жардам көрсөтүштү. Куткаруучулар өспүрүмдү тоодон түшүрүшүп, андан ары тез жардам кызматкерлерине өткөрүп беришти.

Учурда жабырлануучу тиешелүү медициналык мекемеге жеткирилген.

Биздин Телеграм каналга катталыңыз