Кара-Сууда жол кырсыгынан 2 адам каза болуп, 3 адам жаракат алды. Бул тууралуу Өзгөчө кырдаалдар министрлигинин басма сөз кызматынан кабарлашты.
Маалыматка ылайык, окуя Ош облусунун Кара-Суу району аркылуу өткөн Бишкек-Ош унаа жолунун 663-чакырымында болгон. Анда ВАЗ-2107 үлгүсүндөгү унаанын айдоочусу рулду башкара албай жолдун четинде турган SCANIA үлгүсүндөгү оор жүк ташуучу унаасын сүзгөн. Кырсыктын кесепетинен 2 адам каза болуп, 3 адам жаракат алган.
Окуя болгон жерге барган ӨКМнын куткаруучулары жаракат алгандарды чыгарып, “Тез жардам кызматына”, каза болгондорду ИИМдин кызматкерлерине өткөрүп беришкен.
