Кубанычбек Жумалиев мыйзамсыз байыган деп айтып чыгууну Сыймык Жапыкеевге сунуштаганын мэрдин кеңешчиси Асхат Осмонов интервьюларынын биринде билдирди.
Ал “Чоң Казат” партиясы саясатка люстрация жасоо үчүн аттанганын, Жумалиевден баштоонун негизги себеби анын мүлктөрү тууралуу кеңири маалыматттары болгону менен түшүндүргөн.
“Биздин негизги максатыбыз люстрация болчу. Өзүнүздөр билесиздер өлкөбүздө атка минерлер, саясатчылар, чиновниктер эбегейсиз байыган, ошол эле Жумалиев. Сыймык Жапыкеевге мен сунуштагам Жумалиевден башта деп, анткени ал тууралуу маалымат көп болчу. Муну тарых дагы тастыктады. Демек биздин люстрация деген демилгебиздин бир чети ишке ашты”, — дейт Осмонов.
