Прагада орус тилде сүйлөгөн адамдарга карата агрессия, дискриминация көрсөтүлүүдө. Бул туурасында журналист Мээрим Сырдыбаева Фейсбуктагы баракчасына жазды.
Анын айтымында, кыргызстандык студент жигит аялдамада телефон менен сүйлөшүп турган маалда эки украин улутундагы адам келип, орус тилинде сүйлөшүп жатканы үчүн ур-токмокко алган. Ал эми ал окуган окуу жайда айрым мугалимдер орус тилдүү студенттерди сабакка киргизбей жатыптыр.
«Көчөдө жүргөн адамдар эми мейли контролдой албайбыз, бейбаштык кылыптыр дейли. Бирок килтейген университетте мындай дискриминациянын болушун кантип сыпаттайбыз?!»- деп кошумчалады.
