Кыргызстандын Улуттук банкында кадрдык өзгөрүүлөр болду: кызматынан бошотулган Улан Жамалиддиновдун ордуна директорлор кеңешинин мүчөсү болуп Санжар Абдыгазиев дайындалды.

Тиешелүү буйрукка президент Садыр Жапаров кол койгонун президенттин маалымат кызматы билдирди.

Улан Жамалиддинов ээлеген кызматынан өз каалоосу менен бошотулду.

Документ кол коюлган күндөн тартып күчүнө кирет.