Россиянын каржы мониторинг кызматы (Росфинмониторинг) белгилүү блогер Илья Варламовду расмий түрдө “террористтер жана экстремисттер” тизмесине кошту. Маалымат мекеменин расмий сайтында жарыяланган.

Буга чейин, август айында Москвадагы Мещан соту Варламовду армия тууралуу “фейктер” үчүн сырттан  8 жылга эркинен ажыраткан жана 99,5 млн рубль айып салган.

Сот блогерди “саясий жек көрүү негизинде жалган маалымат таратканы” жана “чет элдик агент катары милдеттерин аткарбаганы” үчүн күнөөлүү деп тапканы айтылууда.

Белгилүү болгондой, айыптоолор Варламовдун YouTube каналындагы материалдарына негизделген.