Бүгүнтөн тарта борбор калаанын Чүй проспектисинде жети күн бою ысык суу убактылуу өчүрүлөт. Бул тууралуу Бишкек шаардык мэриясынын маалымат кызматынан билдиришти.

Маалыматка ылайык, 22-28-октябрь күндөрү саат 9:00дөн 18:00гө чейин жылуулук түйүнүндө оңдоо иштери жүргүзүлөт. Ошондуктан Чүй проспектиси, №111, №113 жана №115а даректериндеги имараттарда ысык суу убактылуу берилбейт.

«Бишкекжылуулуктармагы» муниципалдык ишканасы шаар тургундарынан түшүнүү менен мамиле кылууну жана ыңгайсыздыктар үчүн кечирим сурады.