Россиянын Пенза облусундагы болгон жол кырсыктан улам Кыргызстандын эки жараны каза болду. Бул тууралуу Тышкы иштер министрлигинен билдиришти.
Кыргызстандын Россиядагы элчилигинин маалыматына караганда, 2024-жылдын 4-февралында Пенза шаарынын трассасында болгон жол кырсыгынан улам Кыргызстандын эки жараны каза таап, Россиянын бир жараны оор жаракат алган.
“Учурда каза болгон мекендештердин сөөктөрү жерге берүүгө Кыргызстанга жеткирилди. Ал эми жаракат алган Россиянын жараны оорукананын реанимация бөлүмүндө», — деп айтылат маалыматта.
Биздин Телеграм каналга катталыңыз
