Президент Садыр Жапаров Ош шаарындагы Терешкова атындагы жатак-мектептин ачылыш аземинде жана онлайн форматта социалдык объектилерди пайдаланууга берүү учурунда мугалимдерге кайрылып, эмгектери мамлекет тарабынан татыктуу бааланарын белгиледи.

“Мугалимдер, коомдо бир нече кадам алдыда турушуңуздар керек. Күн сайын изденип, саат сайын жаңыланып, балдарыбызга заман талабына жооп берген билимди бериңиздер. Тарбиячы менен мугалимдерге бардык шартты түзүүгө аракет кылып жатабыз. Ат көтөргүс эмгегиңер мамлекет тарабынан татыктуу бааланушу керек. Жаңы мектеп, жаңы окуу китептер менен катар быйыл эмгек акыңызды дагы көтөрүп беребиз”, — деди Садыр Жапаров.