1-сентябрдан тартып Улуттук банк “Азыркы кыргыз мамлекеттүүлүгүн түптөгөн аталар” аталышындагы коллекциялык монетаны жүгүртүүгө чыгарат.

Тыйындын алдыңкы бетинде мамлекеттик желектин тегерегинде Абдыкерим Сыдыков, Иманалы Айдарбеков, Жусуп Абдрахманов, Абдыкадыр Орозбеков жана Ишеналы Арабаевдин сүрөттөрү жайгашып, алардын үстүнө темага ылайык жазуу түшүрүлгөн. Арткы бетинде болсо Кыргыз Республикасынын герби жана боз үйдүн элементтери чагылдырылган.

Жалпы салмагы 33 граммдык күмүш монетанын номиналы 10 сомду түзсө, сатыктагы баасы 10 540 сом деп белгиленди.