Москвада өткөн IBA Bare Knuckle муштум лигасынын стадиондук турниринин негизги беттешинде кыргызстандык мушкер Самат “Кыргыз” Абдырахманов атаандашы Эмил Новрузовго утулуп калды. Мушташ калыстардын чечими менен жыйынтыкталып, жеңиш Новрузовго ыйгарылды.

Бул эки мушкердин беттеши буга чейин да 2023-жылы өтүп, анда да Самат упай айырмасы менен жеңилип калган болчу. Экинчи жолу кайталанган жеңилүүдөн кийин күйөрмандар калыстардын чечимине нааразычылык билдиришип, жыйынтык талаш жаратты.

Абдырахманов беттештен кийин берген комментарийинде жеңилүү аны сындырбай турганын, алдыда дагы күчтүү даярдык менен кайра кайтып келерин айтты.