Ала-Арча мамлекеттик жаратылыш паркында туризмди өнүктүрүүгө багытталган ири инфраструктуралык курулуш иштери уланууда. Бул тууралуу Президенттин Иш башкармалыгынын башчысы Каныбек Туманбаев маалымат берди.

Анын айтымында, парктын жогорку зонасында туристтердин жана эс алуучулардын ыңгайлуулугу үчүн заманбап шарттарды түзүүгө багытталган бир катар жаңы объекттер тургузулууда.

Курулуп жаткан объекттер:

▪️ Үч кабаттуу мейманкана

▪️ Бассейн

▪️ 20 каркас (рамка) үй

▪️ Аспалы (аркан) унаа жолу

Туманбаевдин маалыматына ылайык, курулуштар бүткөндөн кийин зыяратчылар аркан жол аркылуу жаратылыштын түпкүрүнөн асманга чейин көтөрүлүп, Ала-Арчанын кооз пейзаждарын өз көзү менен көрүүгө мүмкүнчүлүк алышат.