«Апрель» коомдук бирикмесинин төрагасы, саясат талдоочу Бакыт Бакетаев президенттик шайлоого катышуу ниетин билдирип, Борбордук шайлоо комиссиясына арыз берди.
БШК билдиргендей, Баетаев талапкерликке өзүн өзү көрсөткөн.
Белгилей кетсек, 10-январда мөөнөтүнөн мурда өтчү президенттик шайлоого катышуу ниетин билдирип буга чейин «Бүтүн Кыргызстан» партиясынын лидери Адахан Мадумаров, «Аурдин» компаниясынын директору Арстанбек Абдылдаев, экономикалык эксперт Кубан Чороев жана «Лига-Антикризис» коомдук бирикмесинин президенти Назарбек Нышанов, Жалал-Абад облусунун мурдагы губернатору Бектур Асанов арыз берген.
