Быйыл 11 айда Өзбекстандын 2,7 млн жараны Кыргызстанга туристтик максатта келген. Бул тууралуу коңшу мамлекеттин Статистика агенттиги билдирди.
Маалым болгондой, 5,7 млн өзбекстандык чет жакка туристтик максатта чыккан. Ал былтыркы жылдын 11 айына караганда 1, 35 млн кишиге көп.
Кыргызстан өзбекстандыктар көп барган өлкөлөрдүн арасында биринчи орунда турат.
- Кыргызстан – 2,7 млн адам;
- Тажикстан – 1,1 млн киши;
- Казакстан – 888,6 миң адам;
- Россия – 275,1 миң киши;
- Түркия – 214,2 миң адам;
- Сауд Арабия – 166,4 миң киши;
- БАЭ – 114,7 миң адам;
- Египет – 41,3 миң киши;
- Кувейт – 34,3 миң адам;
- Корея– 22 миң адам;
- Башка мамлекеттер – 160,8 миң киши.
