Тажикстанда киши колдуу болгон этникалык кыргыз Абдуфаттох Ибрагимовдун 3 баласы Кыргызстандагы туугандарына өткөрүп берилди. Бул тууралуу Reporter.kg’ге маркумдун жакындары билдиришти.
Алардын айтымында, балдар учурда Баткен облусундагы атасынын туугандарынын камкордугунда.
Эскерте кетсек, Абдуфаттох Ибрагимов, аялы Курбангүл жана эжеси Зулхо үчөө 29-майда киши колдуу болушкан. Алардын 8, 4 жана бир жаштагы балдары томолой жетим калды.
Баткен облусунун Лейлек районунда жашаган туугандары балдарды өз камкордугуна алуу өтүнүчү менен кайрылып, бир жарым айдан ашык убакыттан кийин гана аларды ала алышты.
Тажикстандагы үй-бүлөнүн өлүмү. Баткендеги туугандары окуянын чоо-жайын айтып беришти
