Кыргызстанда 2025-жылдын 1-ноябрынан 2026-жылдын 6-апрелине чейинки аралыкта 243 642 адам мобилдик тиркеме аркылуу кредит алууга өзүнө тыюу салуу кызматын кошкон. Бул тууралуу республиканын Улуттук банкы билдирет.

Өзүнө тыюу салуу – жарандын наамына кредит жол-жоболоштурууга чектөө коюуну карайт. Эгерде тыюу коюлган болсо, банктар жана микрокаржы уюмдары кредит берүүгө укуксуз.

Өзүнө тыюу салуу күчүндө болуп турган маалда кредит жол-жоболоштурулган болсо, ал келишим жараксыз деп табылат. Бул үчүн каржы уюму жоопкерчилик тартат.

Эскерте кетсек, бул механизм 2025-жылдын 30-июлунда кол коюлган мыйзамдын алкагында киргизилген.