Мамлекет кыргыз тилди өнүктүрүү программасы үчүн акчаны азайтууда. Бул тууралуу Жогорку Кеңештин Бюджет, экономикалык жана фискалдык саясат боюнча комитетинин отурумунда депутат Камила Талиева билдирди.
Ал 2023-жылы кыргыз тилин өнүктүрүү программасына 71,4 млн сом бөлүнгөнүн, быйыл 62,8 млн, 2025-жылга 46,2 млн сом каралганын айтып, жылдан-жылга акча азайып жатканын белгиледи.
«Менин оюмча көбөйүш керек эле. Себеби эмнеде же тилибиз өнүгүп кетип, каражатка мутаж болбой калдыбы?», — деп суроо салды депутат.
