Айыл чарба министрлиги Өзбекстандан импорттолгон 82 миң 830 даана көчөт артка кайтарылганын билдирди.

Баткендеги “Кызыл-Кыя автожолу” фитосанитардык постунда жүргүзүлгөн текшерүүдө продукциянын таңгагында маркировка жок экени аныкталган.

Евразия экономикалык комиссиясынын Кеңешинин чечимине ылайык, карантинге алынган продукциянын ар бир таңгагында товардын аталышы, чыгарылган өлкө, экспорттоочу жана реэкспорттоочу өлкө жөнүндө маалыматтар камтылган маркировка болушу шарт.

Жүктү маркировкасыз алып кирүү ЕАЭБдин бирдиктүү карантиндик фитосанитардык талаптарын бузуу болуп саналгандыктан, көчөттөр импорттоочу өлкөгө кайтарылган.