Түндүк-Түштүк альтернативдик унаа жолунун Арал-Казарман тилкесинин таш көчкү түшкөн 283–284-чакырымдар аралыгы тазаланып, бир тараптуу каттам берилди. Бул тууралуу Транспорт министрлиги билдирди.

Маалыматка ылайык, аталган тилкеде жалпысынан 141 миң м3 таш көчкү тазаланган. Кɵчкүнүн кɵлɵмү чоң болгондуктан 14 атайын техника жана 18 кишиден турган жол кызматкерлери тынымсыз иш алып барган.

Белгилей кетсек, 24-июль күнү болжол менен саат 12:00до, Түндүк–Түштүк альтернативдик унаа жолунун 280–281-чакырым аралыгында тоо бетинен ири көлөмдөгү таш көчкү түшүп, жол убактылуу жабылган.