Данияр Косумбаев Кыргыз Республикасындагы Туризмди өнүктүрүү фондунун президенти болуп дайындалды. Ал бул кызматка өткөн жылдын октябрь айынан бери фондду жетектеп келген Кылычбек Рысалиевдин ордуна келди.

Косумбаевдин кыскача өмүр баяны:

• Билими:
  Экономист, Кыргызстандын Эл аралык университетинин бүтүрүүчүсү. Ошондой эле Президентке караштуу Мамлекеттик башкаруу академиясынын мамлекеттик башкаруу багыты боюнча магистр даражасына ээ.
• Тажрыйбасы:
  Ар кайсы жылдары “Кыргызтелеком” ААК башкармалыгынын төрагасы, эл аралык IT-компаниялардын (RITE, Bars Group ж.б.) өкүлү болуп иштеген. Мамлекеттик кызматта Этил спирти жана алкоголдук продукциялар боюнча агенттикте статс-катчы, ЖККК жана ЖКККББда иш тажрыйбасы бар.
  Акыркы убактарда Туризм фондунун президентинин кеңешчиси болуп, IT багытын өнүктүрүү боюнча иш алып барган.

Кошумча маалымат:

Данияр Косумбаев кыргыз, орус, англис жана немис тилдеринде эркин сүйлөйт. Ал УКМКнын, Санариптик өнүктүрүү министрлигинин жана Транспорт жана коммуникация министрлигинин Ардак грамоталары менен сыйланган.