Бишкекте курулуп жаткан көп кабат үйдүн 15 батири мамлекеттин пайдасына алынды. Бул тууралуу УКМКдан билдиришти.
Аталган объект Ак-Өргө конушунда Ахунбаев жана Ашар көчөлөрүнүн кесилишинде салынууда. Жаңы үй тургузулуп жаткан 20 сотых жер биринчи алган ээлерине (жеке адамдарга) мыйзам бузуу менен берилген. Жер тилкелерин мыйзамсыз менчиктештирүү фактылары боюнча жүргүзүлүп жаткан иштердин алкагында бул үйдүн 15 батири мамлекетке алынган. Алардын жалпы аянты 897 чарчы метрди түзүп, баасы 89 млн 367 миң сомго жетет. 10 кабат болуп тургузулуп жаткан үйдүн курулушу 2027-жылдын биринчи жарым жылдыгында аяктайт деп пландалууда.
Үйдүн курулушу аяктагандан кийинки көрүнүшү
