Улуттук онкология жана гематология борборунун бөлүм жетекчиси баштаган үч кызматкери кармалды. Бул тууралуу УКМКдан билдиришти.
Атайын кызматтын маалыматы боюнча, аталган борбордун химия терапия бөлүмүнүн башчысы А.Т., бөлүмдүн дарыгери А.Х. жана улук медайым К.А. дары-дармектерди эсептен чыгарып, кийин аларды онкологиялык ооруга чалдыккан бейтаптарга сатып жүргөн деп шектелүүдө.
Алар УКМКнын убактылуу кармоочу жайына камакка алынды.
Учурда бул ишке тиешеси бар адамдарды аныктоо иштери жүрүүдө.
Буга чейин Улуттук онкология жана гематология борборунун дарыгери бейтаптардан акча талап кылууга шектелип кармалган.
