Кыргызстандык белгилүү мушкер Валентина Шевченко UFC 315 турниринде франциялык Манон Фиорону жеңип, бул беттеш үчүн 1,3 миллион доллар гонорар алды. Бул суммага негизги төлөм, бонустар жана эфирдик кирешеден үлүш кирет. Анын атаандашы Фиоро 350 миңден 500 миң долларга чейин алган.
Беттеш Канададагы Монреал шаарында, Bell Centre аренасында өттү. Биринчи раундда эле Шевченко атаандашынын мурдун сындырып, төртүнчү раундда аны нокдаунга түшүргөн.
