.svg){kind=logo}
Адылбек Касымалиев БУУнун эки экономикалык комиссиясынын жетекчилери менен жолуктуЭми кыргызстандыктар Кытайга малина, бүлдүркөн жана карагатты экспорттой алышатКыргызстанда пайдубалы толук бүтө элек үйлөрдөн батир сатууга тыюу салындыКыргызстанда 62 миң сом төлөмү менен «Манасчы» макамын киргизүү сунушталуудаЖогорку соттун төрагасы ишти создуктурган судьяларга катуу чара көрүлөрүн эскертти«Кыргызкөмүр» Кара-Кече үчүн 26 млн сомго жаңы техника сатып алды
Кыргызстан менен ЮНИСЕФ өлкөдөгү балдардын укуктарын коргоо боюнча биргелешкен иш планды бекитишти
16.03.2026 | 12:27
Кыргызстанда 2026–2027-жылдарга карата балдардын укуктарын коргоо системасын чыңдоого багытталган социалдык саясат боюнча программалардын биргелешкен иш планы бекитилди.
Документке Кыргызстандын Балдар укугу боюнча ыйгарым укуктуу өкүлү Асел Чынбаева жана ЮНИСЕФтин өкүлү Самман Тапа кол коюшту.
Пландын алкагында балдардын абалына системалуу мониторинг жүргүзүүгө, мекемелер аралык өз ара аракеттенүүнү чыңдоого жана Балдар укугу боюнча ыйгарым укуктуу өкүлдүн институтунун ишмердүүлүгүнүн натыйжалуулугун жогорулатууга басым жасалат.
Тараптар бул планды ишке ашыруу балдардын кызыкчылыктарын козгогон маселелерди чечүүгө жана бул тармактагы мамлекеттик саясаттын натыйжалуулугун арттырууга шарт түзөрүн белгилешти.
