Курал-жарактар, ок-дарыларды мыйзамсыз сактагандыгы үчүн кармалган «Үмүт жана Ко» компаниясынын ээлеринин бири Журат Абдуллаев 19-октябрга чейин камакка алынды. Бул тууралуу Биринчи май райондук сотунун басма сөз кызматы билдирди.

Маалыматка караганда, үстүбүздөгү жылдын 20-августунда Журат Абдуллаевдин баш коргоо чарасы каралып, СИЗО-1ге камакка алынган.

Буга чейин УКМКдан белгилешкендей, 19-августта «Үмүт жана Ко» фирмасынын ээси Журат Абдуллаев мыйзамсыз курал-жарак, ок-дары жана жардыруучу зат сактаган деген айып менен кармалган.

Атайын кызмат андан «БРДМ-2» үлгүсүндөгү аскер техникасы, танканын үстүнө орнотулган «Калашников» үлгүсүндөгү пулемет баштаган бир топ курал-жарак, ок-дары жана жардыруучу зат алынган.

Бардык жаңылыктар Телеграм каналда