Тоң районунун Туура-Суу айылында катуу шамалдан улам үйлөрдүн чатырлары, тосмолору жана социалдык объектилер жабыркады. Бул тууралуу Өзгөчө кырдаалдар министрлиги билдирди.

Маалыматка караганда, келтирилген зыян 1 миллион 436 миң сомдон ашык болсо, анын ичинен социалдык обьектилер 101 миң сом зыянга учураган.

11-апрелден 12-апрелге караган түнү шамалдын ылдамдыгы секундасына 25-30 метрге чейин жеткен. 35 турак жай (анын 29у камсыздандырылган), 26 чарбалык имарат жана үч социалдык объект, анын ичинде мектептин кампасы, фельдшердик-акушердик пункттун имараты жана күнөскана чатыры жабыркаган.

Райондук жарандык коргонуу комиссиясы тарабынан текшерүү иштери жүргүзүлүп, келтирилген зыянды аныктоо актысы түзүлдү.

Биздин Телеграм каналга катталыңыз