Ысык-Көлдө 20 күндүн ичинде мыйзамсыз балык уулоонун 9 фактысы аныкталды. Бул тууралуу аталган облустун милициясы маалымдады.
Маалыматта айтылгандай, мыйзамсыз балык кармагандар Ысык-Көл, Түп жана Жети-Өгүз райондорунда кармалышкан. Алардан 210 даана чебак, 3 даана форель, 6 даана судак, 31 даана карась жана 8 даана сига балыгы — жалпысы 262 даана балык алынган.
Милиция учурда бул боюнча териштирүү иштери жүрүп жатканын билдирди.
