Ысык-Көлдө ЖККУнун «Рубеж-2025» машыгууларынын активдүү фазасы өтүп жатат.

Коргоо министрлигинин маалыматына ылайык, иш-чарага ЖККУнун Бириккен штабынын башчысы Андрей Сердюков, уюмдун башкы катчысынын орун басары Таалатбек Масадыков, Кыргызстандын коргоо министринин биринчи орун басары Эрлис Тердикбаев жана башка расмий адамдар катышууда.

Маневрларга армиянын бөлүктөрү, учкучсуз учуучу аппараттар, бронетранспортерлер жана согуштук катерлер тартылган. Жалпысынан 500гө жакын аскердик техника жана 1200 аскер кызматкери машыгууда.

Сценарий боюнча, аскердик күчтөр кыргыз аймагына кирген куралдуу топторду жок кылып, чек арадагы көзөмөлдү калыбына келтирүүдө.