Бишкек шаарында Улуттук филармониянын жанында чөптүн арасынан тапанча табылды. Бул тууралуу ИИМдин басма сөз кызматы билдирди.

Маалыматка караганда, 2023-жылдын 5-июлунда саат 09:54 чамасында Күзөт кызматынын Ведомстволук милиция полкунун кызматкери милициянын улук сержанты Бек Төрөкановго “Зеленхоз” муниципалдык ишканасынан Алмаз Акбаралиев аттуу кызматкери келип, Улуттук филармониянын түштүк аймагындагы газондун чөптөрүн кыркып жатып, тапанчага окшош ок атуучу куралын таап алгандыгын айткан.

Окуя болгон жерге ведомстволук милиция полкунун кармоо тобу барып, табылган кара түстөгү темир тапанчасын алышып, Бишкек шаарынын Ленин РИИБдин ыкчам тергөө тобунун кызматкерлерине өткөрүп беришкен.

Биздин Телеграм каналга катталыңыз