Кечээ, 30-майда Чолпон-Ата шаарында өткөн гарнизондук жыйын учурунда ички иштер министри Улан Ниязбеков билдиргендей, милиция туристтик сезонго толук даяр. Ысык-Көл жээгинде, эс алуу жайларында жана маанилүү объектилерде 12 миңден ашык кызматкер, анын ичинде 5 миң милиционер жана миңден ашык элдик кошуундун мүчөлөрү кызмат өтөшөт.
Жаңы түзүлгөн туристтик-экологиялык батальондун кызматкерлери көп тил билген, туристтер менен иштөөгө жана өзгөчө кырдаалдарга даяр. Коопсуздукту дрондор, катерлер, квадроциклдер жана атайын техникалар камсыздайт.
