.svg){kind=logo}
Кыргызстан менен Алтай байланыштарын чыңдоодо: маданий алмашуудан баштап ветеринардык кадрларды даярдоого чейинБыйыл Эгемендүүлүк күнү Талас облусунда белгиленетОливер Стоундун “Атом” даректүү тасмасы И.Раззаков атындагы КМТУда Кыргызстандын энергетикасынын келечеги тууралуу талкууну жаратты. Баасы 3,4 млн сомду түзөт. Баткенде аткезчилик менен келген дары-дармектер табылдыОоганстан кургатылган жемиштердин экспортун көбөйттү: 2025-жылы түшкөн киреше 667 млн долларга жеттиРоссия жана Кыргызстан соода жана инвестициялык өнөктөштүктү чыңдоо боюнча кадамдарды белгилешти
Жалал-Абад шаарында 2 миңден ашык студент окуудан айдалды
18.08.2025 | 12:19
УКМК Жалал-Абад шаарындагы жогорку окуу жайлардан 2 мин 606 студент окуудан чыгарылганын маалымдады.
Маалыматка ылайык, шаардагы жогорку окуу жайларды текшерүүдө иш жүзүндө окууга катышпаган жана чет жерде жүргөн студенттер жасалма түрдө окутулуп жатканы аныкталган.
Жыйынтыгында 2 миң 606 студент окуудан чыгарылган. Алар:
- Жалал-Абад мамлекеттик университетинен (ЖАМУ) – 1142 студент, анын ичинен 167 чет өлкөлүк жарандар;
- К.Ш.Токтомаматов атындагы эл аралык университетинен (ЭАУ) – 895 студент;
- Заманбап эл аралык университеттен (ЗЭУ) – 497 студент;
- Борбордук Азия эл аралык медициналык университетинен (БАЭМУ) – 58 студент;
- Жалал-Абад эл аралык университетинен – 14 студент.
Мындан тышкары кызматтык милдеттерин талаптагыдай аткарбагандыгы жана тиешелүү көзөмөлдү жүргүзбөгөндүгү үчүн төмөнкүлөр ээлеген кызматтарынан бошотулган:
- К.Ш.Токтомаматов атындагы эл аралык университетинин (ЭАУ) окуу иштери боюнча проректору – «С.О.»;
- К.Ш.Токтомаматов атындагы эл аралык университетинин (ЭАУ) алдындагы Үзгүлтүксүз ачык билим берүү институнун директору – «Э.К.»;
- Жалал-Абад мамлекеттик мниверситетинин (ЖАМУ) алдындагы Үзгүлтүксүз билим берүү институнун директору – «С.А.»;
- ЖАМУнун практика жана карьера бөлүмүнүн башчысы – «З.К.».
Рубрики: Жаңылыктар, Окуялар
