Президенттик шайлоонун үгүт иштери 15-декабрда старт алды. Талапкерлер өлкөнү түрө кыдырып, элге убадаларды берип, программалары менен тааныштырууда.
Президенттикке талапкерлердин бири Садыр Жапаровдун кечээ, 17-декабрда Жалал-Абад шаарында эл менен жолугушканкандагы бир окуясы азыр интернетке тарап, талкууга жем таштады.
Анда эл менен жолугушуу аяктап жатканда Садыр Жапаровго ак боз ат мингизишкен. Жылкыны бирөө чылбырдан жетелеп, Жапаров өзү тизгиндегине карабай жулкунуп жүгүрө баскан. Ошол учурда өз милдетин аткарып жүргөн журналисттер жана Жапаровдун күзөтчүлөрү атчан талапкердин аркасынан жүгүрүүгө мажбур болгон.
