Ошто жүзүн жаап жүргөн 22 кыз-келинге айып салындыКөптөгөн кыргызстандыктар акыркы күндөрү туура эмес акча кармалып, карталарынын бөгөттөлүшү менен туш болуштуКыргызстан менен Тажикстан соода жана энергетика жаатында кызматташууну бекемдейтАкыркы үмүт. Наталья Наговыцинадан кабар алуу үчүн дрон учурулатБишкекте Чүй – Курманжан Датка көчөлөрүнүн кесилишинин түштүк бөлүгү ачылдыОштогу Учар көрүстөнүн рекультивациялоо иштери башталды
Жарандардын жана ишкерлердин салык түйшүгүн азайткан мыйзамга кол коюлду
04.08.2025 | 17:18

Өлкө башчы Садыр Жапаров калктын жана ишкерлердин салык түйшүгүн азайткан мыйзамга кол койду. Бул тууралуу президенттин басма сөз кызматы билдирди.
Мыйзам үстүбүздөгү жылдын 19-июнунда Жогорку Кеңеш тарабынан кабыл алынган.
Маалыматка ылайык, мыйзам бизнес үчүн дем берүүчү чөйрөнү түзүп, өлкөнүн экономикалык туруктуулугун камсыз кылууга багытталган.
Мыйзамда бир катар салыктык жеңилдиктер каралган:
- транспорт каражаттарына мүлк салыгын жоюу;
- 2025-жылдын 1-январынан тартып 2030-жылдын 31-декабрына чейин айыл чарба жерлерине мүлк салыгынын 0 пайыз өлчөмүндөгү ставкасын белгилөө;
- 2022-жылдын 1-январына чейинки салык мезгили үчүн келип чыккан салык карызын эсептен чыгаруу;
- уюмду жоюуда жана жеке ишкердин ишин токтотууда пландан тышкаркы текшерүүлөрдү кошпогондо, 2022-жылдын 1-январына чейинки салык мезгилине салыктык текшерүүлөрдү жүргүзүүгө тыюу салуу;
- милдеттенмелерди аткаруунун жеңилдетилген режимин белгилөө, чегерилген салык санкциясын төлөөдөн толук же жарым-жартылай бошотуу, ошондой эле калдыктын толук суммасын төлөө мөөнөтүнө жараша туумдарды төлөө.
Рубрики: Жаңылыктар, Саясат
Теги: салык