Нарын облусундагы Жетим-Тоо темир кенинде чалгындоо иштери жүрүүдө. Бул тууралуу 14-ноябрда Жогорку Кеңештин жыйынында министрлер кабинетинин төрагасы Акылбек Жапаров билдирди.
Жапаров Кыргызстан өзүн цемент менен толук камсыз кылганын, эми темир менен камсыз кылыш керектигин, ал үчүн Жетим-Тоо жана башка кендерде чалгындоо иштери жүргүзүлүп жатканын айтты.
«Кыргызгеология» тарабынан Жетм-Тоо жана башка кендерде чалгындоо иштери жүрүп жатат. Биз металлды өзүбүздүн республикада чыгарышыбыз керек», — деди ал.
Эскерте кетсек, Жетим-Тоодо 3төн 10 млрд тоннага чейин темир бар деп айтылып келет.
