Кыргыз Республикасынын Жогорку Кеңешинин Төрагасы Нурланбек Тургунбек уулунун Казакстан Республикасына расмий сапары башталды.

Сапардын жүрүшүндө спикер бир катар маанилүү жолугушууларды жана иш-чараларды өткөрүүнү пландоодо.

Сапардын негизги окуясы болуп Жогорку Кеңештин Төрагасы Эрлан Кошанов менен эки өлкөнүн Парламенттер аралык кеңешинин форматында биргелешкен жолугушуу болот. Мындан тышкары Нурланбек Тургунбек уулу Түрк мамлекеттеринин Парламенттик ассамблеясынын (ТүркПА) Кеңешинин ишине катышып, уюмдун XIV пленардык жыйынына катышат.

Сапардын алкагында парламенттер аралык байланыштарды чыңдоо жана өлкөлөр ортосундагы кызматташтыкты өнүктүрүүгө багытталган эки тараптуу жогорку деңгээлдеги сүйлөшүүлөр да пландалууда.