Бүгүн Жогорку Кеңештин төрагасы Нурланбек Тургунбек уулу расмий сапарынын алкагында Тажикстандын президенти Эмомали Рахмон менен жолукту.

Парламенттин маалыматына ылайык, төрага Тургунбек уулу чек ара маселесинин эки тараптын саясий эрки менен чечилгенин, бул кадамдын региондун туруктуулугуна да салым кошконун белгиледи. Ал соода жүгүртүүнү 500 млн долларга жеткирүү максаттарын белгилеп, Кыргызстан ЕАЭБ аркылуу Тажикстандын ири рынокторго чыгышына көмөк көрсөтүүгө даяр экенин айтты.

Эмомали Рахмон Кыргызстан менен бардык багытта кызматташууга кызыкдар экенин, соода-экономикалык байланышты өнүктүрүү бүгүнкү күндүн талабы экенин белгиледи. Ал ошондой эле парламенттер аралык диалог эки өлкө ортосундагы кызматташтыктын негизги булагы экенин кошумчалады.