Быйыл тогуз айда Жогорку Кеңештин чыгашасы 893 млн 171,5 миң сомду түздү. Бул тууралуу «Акчабар» порталы Каржы министрлигинин маалыматына таянып билдирди.
Маалыматка ылайык, быйыл Жогорку Кеңешке 767,5 млн сом сарптоо пландалган. Кийин дагы 60 млн сом кошулган. Бирок ага карабастан тогуз айдын ичинде чыгашалар жылдык бюджеттен дээрлик 126 млн сомго ашкан.
Белгилей кетсек, акчанын басымдуу бөлүгү, 564,7 млн сому эмгек акы төлөөгө кеткен. Чыгашалардын ичинен экинчи орунда имараттар жана курулуштар (87 млн сом), үчүнчүдө башка товарларды жана кызматтарды сатып алуу (76,3 млн сом) жана социалдык фондго чегерүү (76,3 млн сом) турат.
Биздин Телеграм каналга катталыңыз
