Кантта унаасынын ичинен фейерверк атылган айдоочу айыпка жыгылды. Бул тууралуу Чүй облусу боюнча Жол кыймылынын коопсуздугун камсыздоо бөлүмүнөн билдиришти.
Буга чейин ММКлардын бирине Кантта Volkswagen Golf 6 унаасында бараткан адамдар салют атып жатканы тартылган видео чыккан. Окуя 2-январда кечинде болгон.
Жол тескөөчүлөрү аталган унаанын айдоочусун таап, ага 15 миң сом айып салган. Ошондой эле унаасы айып короого коюлган.
Айдоочу достору менен жасаган жоругу үчүн кечирим сураган.
