Кыргызстан жарандары Орусияга эң көп барган беш өлкөнүн катарына кирди. Бул тууралуу РИА Новости статистикалык маалыматтарга таянып билдирди.

Маалыматка ылайык, быйыл 500 миңдей кыргызстандык жаран Орусияга кирген. Алардын ичинен 346 миң жаран жумуш иштөө максатында, 88 миң жаран жеке визит менен өлкөгө кирген.

Орусияга жарандары эң көп кирген өлкөлөрдүн сап башында Өзбекстан турат. Быйыл өлкөгө 1,8 млн өзбекстандык жаран кирген. Экинчи орунда Орусияга 1,5 млн жараны кирген Казакстан турат. Ал эми үчүнчү орунда Тажикстан турат. Быйыл жыл башынан бери Орусиянын чек арасын 800 миң тажик жараны кесип өткөн. Ошондой эле Кытайдан 760 жаран Орусияга ар кандай максат менен келген.