Ысык-Көлдүн Кырчын капчыгайында жайгашкан «Кырчын» турбазасы жер тилкеси менен кошо мамлекеттин менчигине кайтарылды. Бул тууралуу Башкы прокуратура маалымдады.

Ысык-Көл облусунун прокуратурасы тарабынан жүргүзүлгөн текшерүүдө аталган объект 1997-жылы жеке жана юридикалык жактарга мыйзам талаптарын бузуу менен берилип кеткендиги аныкталган.

Көрүлгөн чаралардын натыйжасында жалпы баасы 501 миллион сомду түзгөн мүлктүк комплекс жана 11 гектар жер тилкеси мамлекеттин менчигине өткөрүлдү.