6 айда өткөн жылдын январь-июнь айына салыштырмалуу 22 млрд 396,7 млн сомго көп, 138,5 млрд сом салык жана камсыздандыруу төгүмдөрү чогулду. Бул тууралуу Мамлекеттик салык кызматы билдирди.

Аны менен план 5 млрд 25,5 млн сомго ашыгы менен аткарылды.

Топтолгон акчанын 101 млрд 256 млн сому салык жана төлөмдөр, план 283,2 млн сомго ашыгы менен аткарылды. 2023-жылдын биринчи алты айына салыштырмалуу 16,8 млрд сомго көп.

Камсыздандыруу төгүмдөрү боюнча сумма 37 млрд 307 млн сомду түзүп, план 4,7 млрд сомго ашыгы менен аткарылды.