Динара Кемелова тышкы иштер министринин орун басары болуп дайындалды. Бул тууралуу аталган министрликтин басма сөз кызматынан билдиришти.
Президенттин администрациясынын тышкы саясат бөлүмүнүн башчысынын орун басары Айбек Айдарбеков Кемелованы жалпы жамаатка тааныштырды.
Белгилей кетсек, буга чейин Кемелова Кыргызстандын Түштүк Кореядагы элчиси кызматын аркалаган. Ошондой эле ал 2019-жылга чейин тышкы иштер министринин биринчи орун басары болуп иштеген.
